Viðmóts- og upplifunarhönnun (UI/UX) snýst ekki bara um að vera með fallegan vef– heldur þarf hann líka að virka fyrir notandann. Besta hönnunin er sú sem leiðir notandann áfram áreynslulaust – án þess að hann taki sérstaklega eftir því. Slæm hönnun getur hins vegar gert upplifunina óþægilega – og getur leitt til þess að fólk gefist upp og hætti við kaup eða samskipti.

Hér eru þrjú algengustu mistökin sem við sjáum í UI/UX hönnun – og hvernig má forðast þau:

1. Vefurinn er fallegur – en ruglingslegur

Fyrst hönnun, svo notkun – en það á að vera öfugt.

Það er auðvelt að festast í útlitinu og velja glæsilegar myndir, litapallettur og letur eða fara aðrar óhefðbundnar leiðir sem eldast illa og gera ekkert fyrir leiðarkerfi vefsíðunnar. En ef notandinn finnur ekki það sem hann leitar að, eða veit ekki hvar hann á að smella næst – þá hjálpar engin fagurfræði.

👉 Góð UX-hönnun byrjar á því að skilja notandann og markmiðin hans. Flæðið þarf að vera rökrétt, einfalt og leiðandi – og útlitið styðja við það, ekki þvælast fyrir.

2. Of mikið efni – eða of lítið samhengi

Minna er meira (Less is more)– en bara ef það er markvisst.

Önnur algeng mistök í vef- og viðmótshönnun er þegar öllu texta- og myndefni er troðið á forsíðuna, eða þegar vefurinn segir mjög lítið og skilur notandann eftir í óvissu. Notendur skanna vefsíður og stoppa yfirleitt stutt. Þess vegna er mikilvægt að efnið sé skýrt, stutt og hnitmiðað á forsíðu. Of mikið efni verður yfirþyrmandi, of lítið veldur vantrausti eða áhugaleysi.

👉 Það þarf að segja réttan hlut, á réttum tíma. Skýr fyrirsögn, hnitmiðaður texti og rökstuddar aðgerðir (CTAs: Call to action) skipta sköpum.

3. Hönnunin virkar illa í síma

Ef hún virkar ekki í lófanum – þá virkar hún ekki.

Þriðju mistökin – sem eru ótrúlega algeng – er að hanna fyrst og fremst fyrir tölvuskjá (Desktop) og „laga svo“ fyrir síma seinna. En flestir notendur skoða vefsíður fyrst í síma. Ef eitthvað er erfitt að lesa, ýta á eða skilja á vefsíðunni í snjalltækjum – þá yfirgefa notendur síðuna.

👉 Mobile-first hugsun er lykilatriði. Hönnun þarf að virka vel, hlaðast hratt og líta vel út á öllum skjám.

‍

Gott viðmót er fjárfesting – ekki útgjöld

Það borgar sig að vanda UX/UI hönnunina frá upphafi. Með því að hanna með notandann í huga frá fyrsta degi sparar þú tíma, minnkar hættu á brottfalli og eykur árangur vefsvæðisins.

🌿 Við aðstoðum fyrirtæki við að byggja notendavænar, skýrar og árangursdrifnar vefsíður.
👉 Hafðu samband og fáðu ráðgjöf um hönnun sem virkar.

‍