Yfirlit verkefnis

Við hönnun og þróun vefsíðu South Adventure var markmiðið skýrt: að skapa sjónrænt sterkt og notendavænt umhverfi sem endurspeglar þær einstöku upplifanir sem fyrirtækið býður upp á á Suðurlandi. Hönnunarferlið fól í sér samtal við tengilið SA og greiningu á því hvernig ferðalangar leita sér upplýsinga og bóka ferðir.

‍

Stefna og markmið

Í upphafi ferlisins var unnin greinargóð þarfagreining. Sérstaða South Adventure liggur í persónulegum og staðbundnum upplifunum – frá jöklagöngum og hellaskoðun til menningarferða í sveitum Suðurlands. Við vildum að vefurinn tæki mið af þeirri sérstöðu og miðlaði henni með skýru og aðgengilegu notendaviðmóti.

‍

Notendaupplifun og upplýsingaflæði

Við lögðum mikla áherslu á að gestir vefsins gætu auðveldlega nálgast upplýsingar um ferðir, skoðað myndir og bókað með lágmarks fyrirhöfn. Flæðið var hugsað út frá þörfum ferðamannsins – hvort sem hann er í snjallsíma, spjaldtölvu eða tölvu. Bókunarkerfi og upplýsingar um afgreiðslu og þjónustu voru settar fram með skýrleika og trausti að leiðarljósi.